Ydych chi erioed wedi gweld neu glywed rhywbeth cwbl annerbyniol yn y dafarn neu mewn clwb nos? Wedi clywed ffrind yn dweud rhywbeth amheus heb fod yn siŵr sut i ddweud rhywbeth?
Mae'n #DiogelIDweud rhywbeth er mwyn helpu i atal aflonyddu rhywiol. Gall eich llais rymuso eraill i ddweud rhywbeth hefyd. Gyda'n gilydd, gallwn roi diwedd ar aflonyddu rhywiol a'r agweddau sy'n ei achosi.
SYLWI AR AFLONYDDU RHYWIOL
Mae aflonyddu rhywiol yn ymddygiad digroeso o natur rywiol sy'n gallu gwneud i rywun deimlo'n ofnus, wedi'i ddiraddio neu wedi'i fychanu. Gall fod ar ffurfiau gwahanol ond mae bob amser yn annerbyniol.
Geiriol
Corfforol
Gweledol
MAE'N BWYSIG CODI
EICH LLAIS
Gall pob un ohonom wneud gwahaniaeth, boed hynny drwy ystyried ein hagweddau a'n hymddygiad ein hunain, neu ddweud rhywbeth os byddwn yn sylwi ar ffrind yn ymddwyn yn amhriodol.
Os bydd eich ffrind yn mynd yn rhy bell, mae bob amser yn werth codi'r peth.Os na fyddwch yn teimlo y gallwch ei herio ar y pryd, gall fod yr un mor bwysig cael sgwrs un i un yn nes ymlaen.
Os na fyddwch yn teimlo y gallwch ddweud rhywbeth yn uniongyrchol, peidiwch â chwerthin ar sylwadau niweidiol. Ceisiwch gynnig safbwynt arall sy'n dangos nad yw pawb yn cytuno.
Os byddwch yn anwybyddu aflonyddu, pa fath o neges y mae hyn yn ei chyfleu i'r unigolyn sy'n aflonyddu, ei ddioddefwr a'r rheini sydd o'ch cwmpas? Mae'n debygol nad chi yw'r unig un sy'n meddwl bod yr ymddygiad yn amhriodol, felly gallwch rymuso eraill i godi eu llais hefyd drwy ddweud rhywbeth.
Mae angen i bob un ohonom feddwl am ein geiriau, ein syniadau a'n gweithredoedd ni ein hunain.Mae'r effaith ar bobl eraill yn bwysicach na'ch bwriadau. Os bydd rhywun yn teimlo'n annifyr o ganlyniad i'r pethau rydych yn eu dweud neu'n eu gwneud, eich cyfrifoldeb chi yw rhoi'r gorau iddi, meddwl a newid, hyd yn oed os nad oeddech yn bwriadu achosi niwed.
Po fwyaf y byddwch yn defnyddio eich llais i siarad yn erbyn aflonyddu rhywiol, yr hawsaf y bydd i chi wneud hynny a byddwch hefyd yn grymuso eraill i wneud yr un peth.
Dechreuwch yn fach. Gall newid trywydd y sgwrs fod yn ddigon. Cofiwch helpu mewn ffyrdd sy'n ddiogel i chi a phawb arall bob amser.
EI DDWEUD YN DDIOGEL
Bydd gan bob un ohonom lefelau gwahanol o hyder a chysur wrth herio achosion o aflonyddu, ac mae'n bwysig ein bod ni ond yn helpu mewn ffyrdd sy'n ddiogel i ni ein hunain ac i bawb dan sylw. Mae gan bawb rôl i'w chwarae.
Os byddwch yn sylwi ar eich ffrind yn dweud rhywbeth sy'n swnio'n amheus, mae'n iawn i chi ymyrryd.
COFIWCH: Dylech osgoi geiriau neu weithredoedd a allai wneud y sefyllfa'n fwy peryglus i chi neu'r unigolyn sy'n cael ei dargedu. Os byddwch yn gweld bod rhywun mewn perygl uniongyrchol o drais corfforol neu rywiol, ffoniwch 999.
Addysgu a hysbysu
Newid trywydd y sgwrs
Ei nodi'n ddiogel
GWASANAETHAU CYMORTH
Byw Heb Ofn
Os ydych chi, aelod o'r teulu, ffrind neu rywun rydych chi'n gofidio amdano wedi profi cam-drin domestig neu drais rhywiol, gallwch gysylltu â Llinell Gymorth Byw Heb Ofn 24 awr y dydd, 7 diwrnod yr wythnos i gael cyngor a chymorth am ddim neu gallwch drafod eich dewisiadau.
Cysylltwch â chynghorwyr Byw Heb Ofn dros y ffôn, drwy sgwrsio ar-lein, neges destun neu e-bost.
Parch
Os ydych yn poeni am eich ymddygiad chi eich hun ac yn awyddus i newid, gallwch siarad â rhywun yn Respect yn gyfrinachol am eich trais a chamdriniaeth ddomestig. Bydd Cynghorydd Llinell Gymorth cyfeillgar yn gwrando arnoch heb feirniadu ac yn rhoi cyngor gonest i chi.
Cysylltwch ag aelod o'r tîm drwy'r llinell gymorth, gwe-sgwrs neu wasanaeth e-bost.
Meic
Meic yw'r gwasanaeth llinell gymorth i blant a phobl ifanc hyd at 25 oed yng Nghymru. Ni fydd Meic yn eich barnu a bydd yn eich helpu drwy roi gwybodaeth, cyngor defnyddiol a'r cymorth sydd ei angen arnoch er mwyn newid.
Cysylltwch â'r tîm dros y ffôn, drwy neges destun neu sgwrs ar-lein.
Bawso
Bawso yw'r prif sefydliad yng Nghymru sy'n darparu cymorth ymarferol ac emosiynol i ddioddefwyr duon a lleiafrifoedd ethnig a mudol camdriniaeth ddomestig, trais rhywiol, masnachu mewn pobl, anffurfio organau cenhedlu benywod a phriodas dan orfod.
Cysylltwch ag aelod o'r tîm drwy eu llinell gymorth 24 awr neu drwy gysylltu ag un o'u canolfannau rhanbarthol.
Galop
Mae Galop yn cynnig cyngor a chymorth cyfrinachol ac annibynnol i bobl LGBT+ sydd wedi dioddef ymosodiad, cam-drin neu drais rhywiol. Mae Galop yn cynnig lle croesawgar, cynhwysol a diogel i siarad, beth bynnag fo'ch cyfeiriadedd rhywiol neu hunaniaeth o ran rhywedd.
Cysylltwch ag aelod o'r tîm drwy wefan, llinell gymorth neu wasanaeth e-bost yr elusen.
Gwasanaethau lleol
Yn ogystal â llinellau cymorth a gwefannau, ceir gwasanaethau cymorth arbenigol lleol ar gyfer trais yn erbyn menywod, cam-drin domestig a thrais rhywiol (VAWDASV) ym mhob un o'r 22 ardaloedd awdurdod lleol yng Nghymru.
Yn ogystal â chymorth rhithwir, mae llawer o'r gwasanaethau lleol hyn hefyd yn cynnig gwasanaethau galw heibio a chymorth wyneb yn wyneb. Mae gan sefydliad Cymorth i Ferched Cymru wybodaeth am yr holl wasanaethau lleol yng Nghymru.
Os hoffech gael rhagor o wybodaeth am sut i ddefnyddio eich llais yn erbyn aflonyddu rhywiol, neu os ydych yn fusnes neu'n sefydliad sy'n awyddus i gael deunyddiau marchnata, cysylltwch â ni drwy ddefnyddio'r manylion cyswllt isod.
Drwy glicio ar y botwm rydych yn cadarnhau eich bod yn cytuno â'n Telerau ac Amodau.
Dilynwch ni a chefnogwch yr ymgyrch
Gyda chefnogaeth gan
Rydym yn defnyddio cwcis i alluogi nodweddion a darparu data am y defnydd o'r wefan. Ceir manylion yn ein Telerau ac Amodau. Drwy barhau i ddefnyddio'r wefan hon rydych yn derbyn y defnydd hwn o gwcis.
